Qaraqan

Mənə insanların xoşbəxtliyindən danış.
Sonra danışdıqlarına gül,
Güldüklərini ağla.
Utan və yalanlarını geri götür.

Gecə, çılpaq sütunlar, Kərəmin pul tapdığı tikinti sahəsi. On nəfər qara pencəkli, qara eynəkli adam – dırnağına kimi silahlanmış, yəqin ki, nə isə bir mal alırlar, ya da satırlar. Onlarla üzbəüz başqa bir qrup.

Kərəm də o çarxın içində idi. Bütün insanlar kimi işə gedir-gəlir, qazandıqca nələrinsə dəyişdiyini düşünürdü. Televizorda yeni kanallar açılır, yeni filmlər çəkilir, xəbərlər gündə yeni şeylərdən danışır və

yazıq insancıqlar elə bilirdilər ki, həyatları yeniliklərlə doludur.