Aqşin Yenisey

Bəzən arzulananda ölüm də yoxa çıxır.

Ah çək, elə bir ah ki,

Məryəmin bətnindən İsa peyğəmbər deyil,

Allahın özü doğulsun.

Gələcək nəsillər... yazıqlar... gələcəklər

Bütün köhnə əzabları yenidən çəkəcəklər

Kafir təfəkkürlü bir qızı sevdim
Sevgimi fikrimdə doqquza vurdum
Alınan hasili ikiyə böldüm
Axırda bir uşaq qalıq alındı

Bağışla, bağışla udduğum hava
Udub ciyərimdə incitdim səni
Bağışla, bağışla sol ayaqqabım
Sənə mıx vurdurub, yumdum ağzını

Binanın damından bir adam düşdü
Göyə yollanırdı, yerə yapışdı

İstəyərdinizmi ürəyiniz adi insan ürəyi olsun?

Yəni bir az daş.

İstəyərdinizmi gözləriniz adi insan gözləri olsun?

Yəni bir az kor

İstəyərdinizmi adi insan kimi ağlayasınız?

Yəni hərdən, aradabir

İstəyərdinizmi pəncərədən adi insan kimi baxasınız?

Yəni intihar etmək üçün yox

İstəyərdinizmi küçədə adi insan kimi dayanasınız?

Yəni getməyə yeri olmayan biri kimi yox

Yoxsa elə sizdə belədir

Puşkin də yaralıdır, yatır xəstəxanada.

Bədbəxt, bir arvad üçün özünü verdi bada

Bəndələrin yerdədir, sən göydə nə gəzirsən?

Gəl, bir insan ömrünü, yaşa görüm, dözürsən?!

Alt-üst olmuş ömürlər,

...hər yan bomboz tənhalıq.

Bu da bayram süfrəsi; yarım araq, şor balıq

Yalqız sabaha baxmır

Arzulayır keçmişi