Maraqlı zamanlar

Çində əgər bir nəfərdən həqiqətən nifrət edirlərsə, ona “tezliklə maraqlı zamanlarda yaşayasan” – deyə qarğış edilərmiş. Tarixi olaraq maraqlı zamanlar, qarışıqlıq, müharibə və iqtidar mübarizələrinin baş verdiyi, milyonlarla məsumun ağır əvəzlər ödədiyi dövrlərdir. Bu gün, açıq-aşkardır ki, maraqlı zamanlar çağına yaxınlaşırıq (Zizek).

Professor Nafisinin Tehranı - İnqilab sonrası Tehran maraqlı zamanlara və hadisələrə şahidlik edib. Şəriət qaydaları ilə idarə olunan bir ölkədə qadınlarla "Lolita", habelə dünya ədəbiyyatının digər kult əsərlərini oxumaq, müzakirə etmək, qaraya bürünmüş bir yerdə rəngarəngliklə bərq vurmağa cəhd etmək necə bir təhlükə olmalıdı?

Kitab müəyyən qədər Şərqə qarşı ənənəvi qərbli stereotiplər daşısa da, bizə azadlıq və həyatın müxtəlif qatları barədə baxış aydınlığı verə bilir.