Kristel Loots het heerlike sorgvrye stofstraat-kinderdae gehad as een van die klipgooiers van Despatch. Dis hier waar haar verwondering met die mensdom begin het en sy het toe stories daaroor begin skryf. Sy skryf reeds jare lank tydskrifverhale en het verskeie romanses en romans, insluitend die baie gewilde chick-lit-titels ’n Hap van die appel, Troukoek maak nie vet nie en ’n Lipstiek-lewe, op haar kerfstok. Sy woon in die Kaap.
