Өлеңдер жинағы. Компьютер басты жарты адамдар. 5-кітап

Елге ұстаздық еткен қарттан алғыр, құйма құлақты
Қонақтары сұрапты:
- Аға, неше балаңыз бар соңыңыздан самғаған?
- Бір жарым! — деп тіл қатыпты әлгі адам. –
Ал, дәл айтсам, үш ұлым бар зерек әрі білімді,
Үшеуі де ғылым қуып назарға ерте ілінді.
Сол үш ұлдың бірі ғана қайсар, ұшқыр арманын,
Техникалық санаты мен ғылыми өр талғамын
Өз ұлтының сан ғасырлық рухына жалғады,
Содан шуақ, қуат алып, ғаламдық ой толғады.
Екі ұлымның тағдырында бұл өзгеріс болмады,
Екеуі де жалаң білім шеңберінде сорлады.
Рухы, жаны аласаның зорлық жатар парқын да,
Сондықтан қос перзентімді санаймын мен жарты ұлға.
Мейлі, мейлі, екі ұлымды қақса да уақыт арқадан
Нағыз ұлым біреу ғана, ана екеуі — жарты адам!
Иә, бізді қайда апармақ мына заман ақпалы?
Ұлан - байтақ жерімізді жарты адамдар қаптады.
Қайда барсаң көз алдында өнеге боп жарқылдар
Жарты ұстаздар, жарты бастық, жарты қыздар, жарты ұлдар.
Біз қанша мың жас өскінді аттандырдық шет елге:
Білім алып келсін дедік,
Жер, ел танып көрсін дедік.
Бірақ осы ізгі үмітті жалаң білім өтер ме?
Зұлымдық та білім - қызға ғашық болып сүйісті,
Кім тежемек, кім қайырмақ бүл пенделік күйісті?
Жалғыз жол бар: білім әркез рухани байлыққа
Терең тамыр жіберуге тиісті.
Қайтсек екен, монитор көз, компьютер бас жас талап,
Білім + Рух болуы үшін ажырамас қос қанат?
Қай кезде де білім — күшің әрі нұрлы жетегің.

Қатар тосқан жеңілі мен ауырын,
Қайғысы мен сауығын,
Шуағы мен дауылын.
Бүгін, міне, сенің туған күнінде
Қандай тілек айтсам екен, бауырым?
Саған байлық тілер ем мен, бірақ ол бір әңгүдік,
Есігіңнен кіргенімен паң күліп,
Жүргенімен шеру тартып, сән құрып,
Саған жолдас бола алмайды ол мәңгілік.
Бәлкім, ерлік тілер ем мен тамыр алған төзімнен,
Ерлік сезім бірақ сенің табылады өзіңнен,
Онсыз адам жүре ала ма соқпақтар мен жолсызда,
Ал сұлулық тілер едім, сұлусың сен онсыз да.
Қайтсем екен?
Мен одан да бүкіл адам аңсаған,
Бүкіл адам сан мың жылдар арман етіп шаршаған,
Азы жетіп, ал сан мыңы тек елесін тамсаған,
Кез келгеннің бақшасында піспейтін,
Кез келгеннің уысына түспейтін,
Зор махаббат тілейінші мен саған

Қаталдық пен аяушылық сезімі,

Жауынгердің жүрегінде түспеу керек таласқа

- Ұлы ханым,

Әділдік пе мұныңыз?

Өле өлгенше боп өтейін құлыңыз, Отырарды

Мен қол ұшын бермесем,

Оңай жаулап алар ма еді ұлыңыз?

Алты ай бойы ерлік салтқа төрін берген Отырар,

Алты ай бойғы алапатта жеңілмеген Отырар

Алты-ақ күнде жермен-жексен қирады.

Ақыл-ойын жалындатқан,

Өнер, ғылым шамын жаққан

Ұлы қала Азияның маңдайына сыймады.

Безбүйрек жау сәбилерді,

Шал-шауқанды,

Кемпірді,

Тіпті жүкті әйелдің де ішін жарып өлтірді

Рухсыз білімнің зияндығы, яғни, соңғы кездері әлемдік деңгейде белең алған ар-намыс, ұят, әділеттілік, қайырымдылық, инабаттылық, үлкенді сыйлау сияқты қасиеттерге жеткілікті көңіл бөлінбеу адамзатты тұңғиыққа әкеліп тіреді

Егер қарын байлығынан рухымыз пәс тұрса,

Ұқсас, тектес жебір ойлар бір бағытта асқынса,

Қоғам қалай ұстамақшы әділ ойдың шылбырын,

Жан байлығы саяз күштер жек көреді бір-бірін.

ҒАСЫРДЫ ACAP ӘДЕБИЕТІ, ӨНЕРІ ҰЛЫ БОЛМАСА,

ҰЛТ ДАРАЛЫҚ ТАБА АЛМАЙДЫ

ЖӘНЕ ҰЛЫ БОП САНАЛМАЙДЫ ЕШҚАШАН.

Жаны кедей адамдарға байлық тіпті қатерлі

Құрсай білу бір өнер.
Сол қолыңнан шығарсаң