Dünya ətrafı səyahət - hər ölkədən bir kitab

İngilis ədəbiyyatının parlaq nümayəndəsi Samuel Teylor Koleric dünya şöhrətli yazıcı, filosof və ədəbi tənqidçidir. Onu dunya ədəbiyyatının zirvəsinə daşıyan “Qoca dənizcinin hekayəti” əsəri həyat və ölüm arasında qalmağa məhkum olmuş Bir dənizcinin kədərli, eyni zamanda əsrarəngiz səyahətinin hekayəsidir.

Bakı neft milyonçusunun xəstə oğlu atasının izni ilə süd qardaşı Əli bəylə birlikdə yay tətilini onların kəndində — Qafqazın uzaq bir dağ aulunda keçirməyə gedir. Yeniyetmələr qoca bir xədimin müşayiəti ilə qədim bir dünyaya, cəngavərliyin hakimiyyətdən, şairliyin zadəganlıqdan üstün tutulduğu dağlar diyarı Dağıstana yola düşürlər…

«İstanbulda son məhəbbət» (falçılıq vəsaiti) romanında XXI əsrin məşhur mif yaradıcısı Milorad Paviç (1929–2009) Napoleon imperiyası dövrünə mənsub olan iki serb nəslinin taleyini qələmə alıb. M.Paviç qəhrəmanlarının mistik-faciəvi talelərini böyük arkanların mənalarına uyğunlaşdıraraq fala baxma prosesinə oxucunu da cəlb eləyir. Ona öz qarşısında kartları və romanın fəsillərini açmağı, öz şəxsi taleyinə baxmağı təklif eləyir. Bu romanın köməyi ilə oxucu öz gələcəyini qabaqcadan görə bilər. Bunun üçün kartları açmaq və onun romandakı hansı fəslə uyğun olduğunu müəyyənləşdirmək kifayətdir. Çünki hər bir fəsil kartlardan birinə həsr olunub.